スポンサーサイト-------- -- --:--
スポンサー広告
|
|
好想去玩2010-06-29 Tue 21:31
今年因為好多既原因冇去旅行
旅行真係一件好事 離開咗香港去第二個地方見識見識 個人又開心又學到野 日日係office 真係會悶 同埋日日都係咁 會覺得個人好癈 雖然我唔想咁諗 但一去到你只係日日返工 冇目標既時候 都唔知自己想點 有人話返工個目標咪為賺錢囉 但係我咁后生就咁諗 我呢一世都只會係為錢而生活 我冇自己既家庭 我亦唔希望自己既人生係咁样過 依家既我根本唔會去諗結婚生仔 亦冇能力去諗首期既問題 但到底我最想要乜野 諗咗咁耐我都唔知到  |
=_=2010-05-25 Tue 09:32
雖然升左職, 但一d都唔覺得開心
升職加人工係好事 不過最近屋企發生既野 真係令我唔覺得開心 亞媽身体唔好 老豆係屋企嘈 亞妹日日做隱閉青年 我唔可以不負責任地唔理屋企事 但係好多野都唔係我可以控制到 身体唔好我唔可以令佢變返好 唔生性又唔可以令佢變得生性 性格既野就更加難改 俾心機儲錢亦係一個問題 想去外國讀書呢件事 我唔知可以幾時先做到 還是我根本無可能做到 想搵個人講下 但唔知搵邊個 亦唔知應該點講 返工一d動力都無 返工等食飯 食飯等放工 覺得生活好悶 好鬼悶 |
CRY2010-03-06 Sat 20:43
最近發現自己易喊咗
但唔係因為自己既事而喊 可能係因為一首歌 電視劇入面一句對白 演唱會入面對歌迷既答謝 都足夠令我喊唔等 |
我唔要做無錢人2010-02-28 Sun 21:23
いやだ。。。。。
冇錢真係好麻煩 想做既野又做唔到 想買既野又買唔到 只係得個想 只係得個恨 怪就怪自己份工唔高 怪就怪自己搵唔到份人工高既工 錢真係好緊要 緊要過有男人 有男人唔代表你想要乜就肯定有乜 但起碼我有錢 我想買乜野唔洗下下就住就住 想去玩就去玩 想買野就買野 唉 朋友一提起去旅行 仲要係去日本旅行 我口水都流哂 但係都只係得個聽字 無錢去乜旅行 來本諗住平平地去下泰國都好 點知班紅軍又話要示威 搞到想去都唔敢去 三月尾成十日假 你話我應該要點過 又唔可以cancel假 cancel咗假公司又唔會俾返錢 唔放咪即係益咗公司 頂頂頂頂頂!!!!!!!!!!!!!!!!!!!!!!!!!!!!!!!!1 |
又再做返學生2010-02-09 Tue 22:02
今日去咗報名
日文Ｎ２對策班 所謂對策班 其實好似中學生既雞精班咁 估唔到大學畢業都幾年先去上雞精班 不過為咗個日文試 我真係花咗唔少錢同時間 仲有精神落去 我諗呢個係唯一一件會令我咁投入去學既野 事隔２個幾月 我又再一次做返學生 有時都唔清楚 係自己想日文更加進步 还是只係自己好想讀書 我諗係因為我明白 如果生活只係得返工放工返屋企 我一定會好悶 可能因為係８０后 所以生活唔可以好似以前一代咁 只要有工返就夠 除咗工作 應該仲有其他事情都值得我地去投入 去享受 有人可能會話我好勤力好叻 不過事實真係咁样嗎？ 一個人鍾意讀書 就代表佢係叻嗎？ 一個人叻唔叻 我覺得係呢個社會 已經變成你搵錢多唔多 職位高唔高黎去衡量 到底一個人點样先叫做叻 係同自己比 还是同其他人比 比乜野 點样比 工作上既停滯 再加上考試唔合格 呢幾日對自己既信心下降咗唔少 聽住堂本剛既歌 個心覺得舒服咗 但同時又覺得有Ｄ心酸 唔知點形容內心既感受 只係覺得音樂好似自己既心情一样 對前边係點 覺得迷茫 |
